انا هدى 29 سنه متزوجه وعندي ولدين،جوزي اكبر مني بسنتين يعني دماغنا قريبة من بعض واخدين بعض عن حب
مرة كعادتي بعمل الشاى ومطلعاه لجوزي حبيبي البلكونة واذ فجأة سمعت جوزي حبييييبي بيكلم واحدة بيقولها خلاص ياروحي انا هحطلها الحباية وانيمها واول ما تنام هرن عليكي تيجي.
اتمسمرت مكاني ورجعت ع المطبخ بسرعة وقعدت افكر هعمل ايه لقيته بينده فين الشااااي ياروحي قولتله حاضر ياقللللبي جاية وطلعت بالشاي وقولتله دقيقة وجاية لقيته فعلا بيحطلي الحباية ف الكوباية
رجعت عملت نفسي بشرب واخدت الكوباية وخرجت م البلكونة ودلقتها ف المطبخ عبال ماجه عملت نفسي نمت علطول عايزة اعرف مين دي ال جوزي بيقرطسني عشانها واذ فجـ،ـأة جوزي يرن عليها ويقولها اهي اتخمدت والعيال كمان نامو تعالي بقى ف ثانية لقيته بيفتح الباب قولت ف نفسي ايه السرعة دي ولاني نمت ف الصالة شوفتها وهي داخلة عارفين طلعت مين مش هتصدقوا….. عايزين تعرفوا
عملت نفسي نايمة وهي جت عارفين طلعت مين جارتي طبعا عندها 32 سنة يعني اكبر منه ولسة متجوزتش يعني بنت
طب ياترى بنت ولا جوزيييييي لالالا يارب ميكون عمل حاجة المهم دخلت ع اوضة النوم علطول حافطة الممان بقى ماهي مش اول مرة دخلو وقفلو الباب وانا بغلي بموت جوزي حبيبي داحنا كنا ولا روميو وجوليت يااااه
روحت اتصنت اسمع بيقولوا ايه لقيتها بتقوله هتعمل ايه معهااللي برة دي مش هتطلقها عليا انا طبعا انا يتقال علسا كدة اكمني 95 كيلو بس راح قالها هطلقها ياقلبي طبعا سيبك منها وتعليلي بقى وانا واقفة برة بهري وبفكر اعملللللل ايييييه
رجعت ع الكنبة ال كنت نايمة عليها ف الصالة وعملت نفسي وقعت من عليها وبصوت عالي نديت عليه يا محموووووود
انت فين ياحبيبي سمعت كركبة بقى ف اوضة النوم مرضتش ادخل علطول بقى عيب بردو البيوت ليها حرمة استنيت اما يخبيها اكيد يا اما خباها ف الدولاب يا اما تحت السرير المهم نديت عليه خرج ومرتبك ويقولي ايه ده يا قلبي انتي صحيتي قولتله وقعت ياحبيبي
اسندني قمت وداخلة ع اوضة النوم طبعا وهو عاوز يعطلني بأي طريقة بس ع مين دخلت بردو بس مالقتش اثر لاي حاجة فضلت ادور بعيني عليها عشان احدد مكانها بالظبط ولقييييتها مخبيها ف الدولاب لانه قفل الدولاب بسرعة والهدوم خارجة برة
جه ورايا طبعا قولتله تعالى جمبي ياحبيبي اصلك وحشتني اوي دا انت واحشني ياقلبي ال قولي صحيح انا كنت جايبة عريس لجارتنا ال انت بتقول عليها بايرة ومعنسة دي جارتنا منال عارفها طبعا قالي انا بقول كدة انا قولتله اه انت وبتقول كمان دي بت مايعة وشكلها سهلة اي حد ممكن يزبطها قالي انا قولتللك كدا ؟؟
اه انت مالك ياحبيبي بس انت نسيت كل ده والهانم ف الدولاب طبعا قولتله هو كبير وعنده 60 سنة يلا اهو نسترها وخلاص قالي وانتي مالك انتي متدخليش في الحاجات دي قولتله طيب اقوم اغير بقى عشان انام ارتبك وقالي لا لالالا انتي متقوميش عايزة ايه وانا اجيبهولك قولت لا انا هجيب وقومت فجأة بفتح الدولاب النور طفى مرة واحدة
النور طفى اتاريه خرج فصل الاوتوماتيك من برة وانا فتحت باب الدولاب وهي فطت خرجت وانا مسكتها من شعرها وهاتك يا ضرب واقول ح رااااااامي افتح النور يامحموووود حرااااامي وهاتك ياضرب جه جري بسرعة خلصها من ايدي واكيد خرجها وبعدها شغل النور سألته فين الح_ رامي وانت كنت فين وايه ال حصل
محمود: ولا حاجة كنت داخل الحمام والنور قطع ايه انتي اكيد بيتهيألك نامي نامي
انا : لا كان فيه ح_رامي وضربته انا مش بيتهيئلي بس اوك هنام
ونمت وانا ف غاية السعادة بعد ما ضربتها
تاني يوم قبل ماجوزي يصحى اخدت فونه ونزلت برنامج مسجل المكالمات وعملتله إخفاء عشان مايشوفهوش وعشان اعرف ايه بيدور من ورا ضهري خلصت وحطيت الفون مكانه صحي ومحسستوش بأي تغيير يوم عادي قام وفطر ولبس وراح الشغل وانا صحيت العيال ووديتهم المدرسة ورجعت وانا جاية شوفت مييييين شوفت منال
وكان وشها ورام الظاهر اني افتريت شوية هي كانت جايبة العيش وجاية صبحت عليها وقولتلها ايييه ده يامنال من ال بوظلك وشك كدة
منال: واحد بقى منه لله حسبي الله ونعم الوكيل حرامي كان عاوز يأخد دهبي بس انا مسيبتوش ضربته بردو انا :اه ماهو باين ع وشك اهو ?
وطلعنا وروحت قافلة ف وشها الباب ودخلت وقعدت افكر هي فيها ايه زيادة عني وجوزي بصلها ليه هي البت صحيح حلوه جسم وشعر وبتهتم بنفسها وانا مبهدلة ف نفسي من العيال وابوهم والدروس والبيت والغسيل والمواعين طب اعمل ايبييه
قررت اغير من نفسي وكمان اخس شوية ايوة منا مش هسيب جوزي لواحدة زي دي وبدأت ف الدايت عشان اظبط جسمي ولا اول مرة من خمس سنين روحت الكوافير صبغت شعري وعملت باديكير ومناكير وبيبي ليس وخربت الدنيا واستنيت جوزي ولسة بيفتح الباب وانا ف كامل اناقتي وهو داخل..
سلامو عليكو
انا. عليكو السلام ياقلبي
محمود، ايه ده بسم الله الرحمن الرحيم انتي مين
انا. ايه رأيك اجنن صح
محمود. تجنني دانتي تهبلي مبتعمليش كدة ليه من زمان
انا. من هنا ورايح مفيش غير كده ادخل كدة خد شاور غير هدومك
دخل وانا قفشت ف الفون بتاعه وقعدت اسمع المكالمات ال فهمته من المكالمات انه قعد يعتذرلها عن العلقة السخنة ال اخدتها وانه هيعوضها عن كل ده
قريب وانه فعلا ناوي يتجوزها بس ف السر عشان انا معرفش وبسمع ومصدومة هيجوزها وقريب اعمل ايييييه اواجهه
وخرج وقلبت عليه الترابيزة بيتي بيضيع
لقاني قاعدة وفاتحاله الفون وعليت صوت الفون وسمعته المكالمات وشه قلب الوان
وقالي بتجسسي عليا ياهانم
انا. اتجسس هو ايه خدوهم بالصوت ولا انت مش عارف انت عملت ايه…
محمود . انا راجل واعمل ال انا عايزه وهتجوزها وبدل ماكان من وراكي هيبقى قدامك وهنا ف شقتك ولو فتحتي بوقك ع بيت ابوكي وورقتك هتوصلك
انا. بسهولة كدة بتبيعني عشان واحدة متستاهلش
محمود. ال متستاهلش دي هتبقى مراتي حاسبي ع كلامك
انا. طب والحب ال كان بينا
محمود. انا لسة بحبك بس انتي ال بقيتي مهملة ف نفسك من امتى وانا اقولك خسي خدي بالك من نفسك روحي كوافير ظبطي لبسك وانتي مش هنا اصلا انا
صعبت عليا نفسي وقعدت ابكي وابكي ع سنين الحب ع الصبر ع كل حاجة حلوة بس قولت لا بردة مش هخليها تنتصر عليا بنت البايرة
وراح طلب ايدها فعلا وامها وافقت علطول وف اسبوع كانو عملو الفرح
كانو عاملينه ع الديق ف قاعة صغيرة كدة
وانا اخدت العيال وروحت وقولت هبوظه يعني هبوظه
ودخلت القاعة ومعايا الولاد و2 ستات جامدين عشان محدش يقربلي
دخلت القاعة وانا لابسة ومتشيكة وروحت ع بتاع الدي جي قولتله شغل محمود الليثي كدة مطمرش وهاتك يارقص انا والعيال وشديت حودة حبيب قلبي طبعا بس مرضيش يرقص كان هاين عليه يضربني بس مقدرش الناس بقى
راح بعدها شغل رقصة هادية اخدت حودة ف حضني ورقصة معاه سلو غصب عنه واقوله فاكر ليلة جوازنا ياحودة بقي تسيبني عشان المقشفة دي لقيتها جاية عليا مرة واحدة وبتشده من دراعه وتقوله مش كفاية كدة بقى ولا ايه قولتلها ايدك
راح قالي خدي العيال وروحي قولتله بقى كدة قالي اه يلا من هنا ندهت ع الستات ال كانو معايا قولتلهم نسواااان هجووووم وهجمنا عليها
جم بقى ع الشقة تاني يوم بعد ما قضوا ليلة االعرس ف المستشفى وكانت هتعملي محضر بس هو منعها ودخلوا الأوضة
خبطت عليهم خرجلي قربت منه وقولتله الاكل جاهز مش هتاكل وحطيت ايدي حوالين رقابته برومانسية ف خده قالي احمممم لا هناكل جاييين اهو وشال ايدي قولتله ماااشي ظبط السفرة وحطيت الاكل وخرجو بقى قعدو وكلو وهي كنت حطالها ملين ف طبقها عشان تقضي ليلتها
اكلت من هنا ومسكت بطنها وانا اقولها مالك ياحبيبتي مالك يامنال فيكي ايه وهو بيبصلي بكل استغراب زي ال يقولي اه منك انتي يا سوسة
دجري ع الحمام وانا واقفة اضحك قفشني من دراعي قالي حطيتي ايه ف الاكل قولتله دي شوية بهارات عادي بدك تدوق ومسكت طبقها راح سابني ووراها ع الحمام وانا واقفة اقول ولسسسسسة يابنت الوارمة
قضو الليلة ف الحمام والصبح نامت من التعب وهو كان واخد اجازة والعيال راحو المدرسه وانا قعدالو ف البيت وحاطة مكياج وسايبة شعري زي مابيحبه مفرود ع ضهري
قولتله بتبصلي كدة ليه
قالي معجب حرام ابص لمراتي حبيبتي
وقولتله ايه وحشتك قالي اووووي ماتيجي اقولك كلمة سر قبل ما البومبة دي ماتصحى ضحكت بصوت عالي عشان تسمع وتفوق قالي هوووووس وحط ايده ع بوقي….
قولتله ايه خايف طب اوعى انا زعلانة منك وخرجت برة المطبخ وجريت ع اوضتي وهو واقف عمال يخبط ويقولي افتحي انا غلطان افتحي انتي وحشتيني وحشتني هدى بتاعت زمان افتحي وانا بموت م القهرة جوة وببكي كل ده عاملة جامدة وانا بموت من جوايا من جوزي حبيبي ال اتجوز عليا
فجأة سمعت صوتها بتقوله احم احم.
هو ان غاب القط ولا ايه مين دي ال وحشاك دي عقربة وولية سو انت مش شايف عملت فيا ايه قالها ولا كلمة اوعي تتكلمي عليها بالطريقة دي واخرسي وادخلي اوضتك وانا ببكي جوة لقيته زق الباب وفتحه لقاني منهارة وببكي بحرقة اترميت ف حضنه غصب عني منا ماليش غيره وفضلت احضنه واعيط زي العيال الصغيرة واقوله سيبتني لييييه.
قصرت معاك ف ايييه ذنبي اني مبقولكش هات زي باقي الحريم ذنبي اني بوفر فلوس الكوافير واللبس والميكب عشانك وعشان ولادك تقوم تسيبني تسيب حبيبتك يامحمود وابكي لحد ما اغمى عليا وجابلي دكتور قاله دي عندها انهيار عصبي واداني حقنة مهدأة خلتني روحت ف النوم
تاني يوم الصبح فوقت لقيت محمود ف الشغل ومنال ف اوضتها وانا داخلة الحمام بالصدفة سمعتها بتكلم واحد وبتقوله ايوة ياحبيبي انت وحشتني
المنيل ع عينه نزل الشغل وانا هاجيلك كمان شوية عشان انت واحشني بس بقولك حاسب المرادي متتهورش دانا عاملة عملية ومستنية البقف اما يلبسها بس لسة محصلش مش راضي يقرب عليا فجأة تلفوني رن وانا واقفة بتصنت……..
تلفوني رن من هنا روحت سيبت الفون ع الترابيزة عشان تطمن وجريت ع الحمام هي خرجت تبص لقت الفون لوحده اتطمن وقفلت الباب تاني انا عملت نفسي جاية ارد لقيت جوزي ال بيرن وبصوت عالي .
بقى ايوة يا حبيبي قالي عاملة ايه قولتله تمام ياقلبي وحشتني اوي خلص بسرعة وتعالى هعملك الاكل ال بتحبه ياروحي وقفلت وهي خدت بعضها ولبست وخارجة بقولها ع فين العزم ياهانم قالتلي رايحة عند ماما قولتلها ومتشيكة كدة لماما وقولتي لجوزك راحت زقتني وقالي وانتي مالك
كان هاين عليا اجيبها من شعرها بس قولت بلاش هي خرجت وانا لبست وخرجت وراها من غير ماتحس وقفت تاكسي وانا وراها لحد ما نزلت وانا وراها عرفت المكان واتصلت بجوزي بسسسسرعة قولتله تعالالي بسرعة ع العنوان ده….
انا ف مشكلة وفعلا 5 دقايق لقيته قدامي قولتله تعالى معايا دخلت ااعمارة ال هي دخلت فيها وسألت البواب قولتله الست ال دخلت من شوية قالي دي مرات الاستاذ حازم ساكنة فين قالي الدور التاني اخدت جوزي وطلعنا قالي في ايه قولتله اصبر بسسسس وخبط ع الشقة .
فجأة طلعلي الاستاذ حازم زقيته لجوة واخدت محمود من ايده ودخلت ع اوضة النوم ولقيت الهانم ع السرير ومحمود واقف متنح والاستاذ حازم داخل ورانا ويقولنا انتو مين وازاي تدخلو علينا كدة راح مسك منال اعطاها كفين ورمى عليها يمين الطلاق .
مسك حازم عدمه العافية ورجعلها مسكها من شعرها وجرجرها وكان طالع بيها برة قولتله لا استر عليها حرام انت كدة هتكشف نفسك راح قالها البسي لبست وخدها ع امها ورامهالها وقالها بنتك ال مدخلتش عليها طالق بالتلاته اهي.
وخرج ملاقانيش سيبته ومشيت كنت محتاجة ابعد شوية سافرت عند خالتي اسكندرية وقفلت تلفوني وسيبته يوم واتنين وهو كل شوية يتصل بخالتي تقوله مجاتش يابني لحد ما صعب عليها قالتله هي هنا بس مش عايزة تشوفك خد اول قطر وجاب العيال وجه قعد يعتذرلي
ويقولي بجد عرفت قيمتك انا استاهل اني بصيت برة وباس ع راسي وانا صعبانة عليا نفسي بس رجعنا لبعض وقضينا اجمل شهر عسل ف اسكندرية وابتديت اهتم بنفسي ورجعت احسن م الاول وبهتم بيه اكتر م الاول عشان عينيه الزايغة دي متروحش كدة ولا كدة خلي بالك من جوزك انتي وهي واهتمي بنفسك عشان جوزك يهتم بيكي..
تمت اذا اعجبتكم قولولنا رايكم في التعليقات
ان انتهيتم من القراءه صلوا على خير خلق الله
والله هيرضيكم . صلى الله عليه وسلم.
